ದೇವಕಾರ ಜಲಪಾತ (Devkar Falls / Kanur Falls)

 

ಕಾಳಿ ನದಿಯ ಹಿನ್ನೀರಿನ ಅಂಚಿನಲ್ಲಿ ಚಾರಣ

ಯಲ್ಲಾಪುರದಿಂದ 30 ಕಿ.ಮೀ ದೂರದಲ್ಲಿರುವ ದೇವಕಾರ ಜಲಪಾತವನ್ನು ವಜ್ರಮಲ ಜಲಪಾತ ಎಂದೂ ಕರೆಯುತ್ತಾರೆ. ಇದು ಕರ್ನಾಟಕ ರಾಜ್ಯದ, ಉತ್ತರ ಕನ್ನಡ ಜಿಲ್ಲೆಯ ಸುಂದರವಾದ ಜಲಪಾತಗಳಲ್ಲಿ ಒಂದಾಗಿದೆ. ಈ ಜಲಪಾತವನ್ನು ನೀವು ದೇವಕಾರ ಗ್ರಾಮದಲ್ಲಿ ನೋಡಬಹುದು. ಕಾರವಾರಕ್ಕೆ ಭೇಟಿ ನೀಡಿದಾಗ ನೋಡಲೇಬೇಕಾದ ಅತ್ಯುತ್ತಮ ಸ್ಥಳಗಳಲ್ಲಿ ದೇವಕಾರ ಜಲಪಾತವೂ ಒಂದಾಗಿದೆ.

ಸುಮಾರು 300 ಅಡಿಯಿರುವ ದೇವಕಾರ ಜಲಪಾತವು ದೇವಕಾರ ಎಂಬ ಸಣ್ಣ ಗ್ರಾಮದಲ್ಲಿದೆ. ಇದು ಕದ್ರಾ ಅಣೆಕಟ್ಟಿನ ಹಿನ್ನೀರಿನಿಂದ ಆವೃತವಾಗಿದೆ. ನೀರು ಬೀಳುವಾಗ ವಜ್ರದಂತೆ ಹೊಳೆಯುವುದರಿಂದ ಈ ಜಲಪಾತವನ್ನು ಸ್ಥಳೀಯರು ವಜ್ರಮಲ ಜಲಪಾತ ಎಂದು ಕರೆಯುತ್ತಾರೆ. ಪ್ರಚಾರದ ಕೊರತೆಯಿಂದಾಗಿ ಈ ಸುಂದರವಾದ ಜಲಪಾತವು ಇನ್ನೂ ಬಹಳಷ್ಟು ಜನರಿಗೆ ತಿಳಿದಿಲ್ಲ. ಅಂದಹಾಗೆ ಜಲಪಾತದ ನೀರು ಕೈಗಾ ಜಲಾಶಯ ತಲುಪುತ್ತದೆ. ಜಲಪಾತವನ್ನು ತಲುಪಲು ಉತ್ತಮವಾಗಿ ಅಭಿವೃದ್ಧಿ ಹೊಂದಿದ ರಸ್ತೆ ಇಲ್ಲ. ದೇವಕಾರ ಗ್ರಾಮವನ್ನು ತಲುಪಲು ಕದ್ರಾ ಜಲಾಶಯದ ಹಿನ್ನೀರನ್ನು ದಾಟಬೇಕು. ಮಳೆಗಾಲದಲ್ಲಂತೂ ಪ್ರವೇಶಿಸಲು ಅಸಾಧ್ಯ. ದಟ್ಟ ಕಾಡುಗಳಿಂದ ಆವೃತವಾಗಿರುವ ಕೆಸರು ಗದ್ದೆಯ ಮೂಲಕ ಜಲಪಾತ ಹಾದಿ ಹಿಡಿಯಬಹುದು.

ಹಳ್ಳಿಯ ಸೊಗಡು ಸವಿಯಬೇಕೆನ್ನುವವರು ಸ್ವಂತ ವಾಹನದಲ್ಲಿ ಜಲಪಾತ ನೋಡಲು ಈ ಮಾರ್ಗದಲ್ಲಿ ತೆರಳಬಹುದು. ಗುಂಪಾಗಿ, ಸ್ನೇಹಿತರ ಜೊತೆ ತೆರಳಿದರೆ ಒಳ್ಳೆಯದು. ಯಲ್ಲಾಪುರ ಪಟ್ಟಣದಿಂದ ಎನ್ಎಚ್ 67 ರಲ್ಲಿ ಇಡಗುಂಡಿ ಹಳ್ಳಿಯವರೆಗೆ ಹೋಗಿ. ನಂತರ ಕಲಾಚೆ ಗ್ರಾಮಕ್ಕೆ ಹೋಗುವ SH 6 ರಸ್ತೆಯಲ್ಲಿ ತೆರಳಿ. ಕಲಾಚೆಗೆ ಹೋಗುವ ದಾರಿಯಲ್ಲಿ ನಿಮಗೆ ಹೆಬ್ಬಾರ ಕುಂಬ್ರಿ ಕ್ರಾಸ್ ಸಿಗುತ್ತದೆ. ಈ ಕ್ರಾಸ್’ನಿಂದ ಈರಪುರ ಹಳ್ಳಿಯ ಕಡೆಗೆ ಹೋಗುವ ರಸ್ತೆಯಲ್ಲಿ ಸಾಗಿದರೆ ಬೆಂಡಘಟ್ಟ ಬೆಟ್ಟ ಸಿಗುತ್ತದೆ. ಇಲ್ಲಿಂದ 6 ಕಿ.ಮೀ. ಸಾಗಿದರೆ ದೇವಕಾರ ಹಳ್ಳಿ ಸಿಗುತ್ತದೆ. ಇಲ್ಲಿ ಸ್ಥಳೀಯರಿಗೆ ಕೇಳಿದರೆ ದೇವಕಾರ ಜಲಪಾತದ ಮಾರ್ಗದ ಬಗ್ಗೆ ಮಾರ್ಗದರ್ಶನ ನೀಡುತ್ತಾರೆ. ನಿಮಗೆ ಬೇಕಾದರೆ ಸ್ಥಳೀಯ ಮಾರ್ಗದರ್ಶಿಯನ್ನು ಜೊತೆಗೆ ಕರೆದುಕೊಂಡು ಹೋಗಬಹುದು. ಬೆಂಡಘಟ್ಟ ಬೆಟ್ಟದ ಬದಿಯಿಂದ ನೀವು ಕಾಳಿ ನದಿಯ ಸುಂದರ ನೋಟವನ್ನು ಕಣ್ತುಂಬಿಕೊಳ್ಳಬಹುದು. ಜೊತೆಗೆ ಕೈಗಾ ಮತ್ತು ಸುತ್ತಮುತ್ತಲಿನ ಗ್ರಾಮಗಳನ್ನು ನೋಡಬಹುದು

Devakar falls / kanoor falls most popularly know as devakar falls it one of the hidden and less explored water falls in uttara karnataka it is located at 30 km from yellapur its very difficulty to find the way to waterfalls because of no proper road to falls.

ಸಾತೋಡಿ ಜಲಪಾತ - Sathodi waterfall

 ಉತ್ತರ ಕನ್ನಡ ಜಲಪಾತಗಳಿಗೆ ಸ್ವರ್ಗ ತಾಣ. ಹಾಗಾಗಿ ಇದನ್ನು ಜಲಪಾತಗಳ ಜಿಲ್ಲೆ ಎಂದೇ ಕರೆಯುತ್ತಾರೆ. ನಿತ್ಯ ಹರಿದ್ವರ್ಣದ ಕಾಡುಗಳಿಂದ ಆವೃತ್ತವಾದ ಈ ಪ್ರದೇಶದಲ್ಲಿ ಜಲಧಾರೆಗಳ ವೈಭವ ನೋಡುವಂತಿರುತ್ತದೆ. ಮುಗಿಲು ಮುಟ್ಟಿರುವ ಬೆಟ್ಟಗಳ ಮೇಲಿಂದ ಭೋರ್ಗರೆಯುತ್ತಾ ಬಂದು ಭೂಮಿಗೆ ಧುಮುಕುತ್ತವೆ. ಭೂಮಿಗೆ ಬಂದ ಮೇಲೆ ಮತ್ತೆ ಸುಮ್ಮನಾಗಿ ನದಿಗೆ ಸೇರುವ ಪರಿ ಅನನ್ಯ. ಅಂತಹ ಒಂದು ಜಲಪಾತದ ಸಾಲಿನಲ್ಲಿ ಸಾತೋಡಿ ಜಲಪಾತ ಮುಂದೆ ನಿಲ್ಲುತ್ತದೆ

ದಟ್ಟವಾದ ಕಾಡು, ಹಚ್ಚ ಹಸುರಿನ ವನಸಿರಿ, ನಡುವೆ ಹಕ್ಕಿಗಳ ಕಲರವ, ಬಂಡೆಗಳ ಮಧ್ಯೆ ಹಾವಿನಂತೆ ಹರಿದು ಬರುವ ಜಲಧಾರೆ. ಅಬ್ಬಾ! ಇದನ್ನು ನೋಡಲು ಎಷ್ಟು ಸುಂದರ ಎನಿಸುತ್ತದೆ ಅಲ್ಲವಾ? ಹೌದು, ಇಂತಹ ಒಂದು ಸೌಂದರ್ಯಕ್ಕೆ ಕನ್ನಡಿ ಹಿಡಿದು ನಿಲ್ಲುತ್ತದೆ ಸಾತೋಡಿ ಜಲಪಾತ. ವರ್ಷವಿಡೀ ವೈಯಾರದಿಂದ ಶೋಭಿಸುತ್ತದೆ. ಮಳೆಗಾಲದಲ್ಲಿ ಇನ್ನಷ್ಟು ಬಿಳಿ ನೊರೆಯಿಂದ ದುಮ್ಮಿಕ್ಕುತ್ತಾ ತಾನು ಯಾರಿಗೆ ಸರಿಸಾಟಿ ಇಲ್ಲ ಎಂದು ಕೇಳುತ್ತದೆ. ಸಾತೋಡಿಯ ವೈಭವವನ್ನು ಕಾಣಲು ಪ್ರತಿದಿನ ಪ್ರವಾಸಿಗರ ದಂಡೇ ಹರಿದು ಬರುತ್ತದೆ. ಇದು ಕಾಳಿಯ ಉಪನದಿ ಸುರಬ್ಬಿ ಹಳ್ಳದಿಂದ ಬರುತ್ತದೆ. ಸುಮಾರು 50 ಅಡಿ ಎತ್ತರದಿಂದ ದುಮ್ಮಿಕ್ಕುತ್ತಾ ಮಂದಿಯ ಹೃದಯವನ್ನು ಸೂರೆಗೊಳಿಸುತ್ತದೆ. ಇದನ್ನು ಕೇಳಿ ನಿಮಗೂ ಇಲ್ಲಿಗೆ ಬರಬೇಕು ಅನಿಸಿದರೆ ಒಮ್ಮೆ ಬಂದುಬಿಡಿ.

Sathodi Falls is at a distance of 30 km from Yellapur. It takes almost 1 hour to reach. There are potholes in the first half stretch of the road. Remaining stretch is a newly built concrete road. From the parking lot you need to walk for about 1 km to reach the falls. The rectangular waterfall is a picturesque beauty, pool under waterfall is crystal clear. Sathodi falls is distinctly photogenic

Sonda Mutt

 Sonda is small village in the Sirsi taluk of Uttara Kannada district  situated at a distance of around 20km from Sirsi. It is known as a pilgrimage center due to the presence of three prominent Mutts: the Swarnavalli Mutt, the Sri Vadiraj Mutt and the Jain Mutt.  The green surroundings. It was a Calm , Peacefull and Spritual Place

ಗಡಾಯಿಕಲ್ಲು

 ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತಂಗಡಿ ತಾಲೂಕಿನ ಪ್ರಮುಖ ಆಕರ್ಷಣೆ 'ಗಡಾಯಿ ಕಲ್ಲು' . ಚಾರಣ ಪ್ರಿಯರಿಗಂತೂ ಅಚ್ಚುಮೆಚ್ಚಿನ ತಾಣ. ಬೆಳ್ತಂಗಡಿ-ಉಜಿರೆಯಲ್ಲಿ ನಿಂತು ನೋಡಿದರೆ ಕಾಣುವ ಬೃಹತ್‌ ಗಾತ್ರದ ಕಲ್ಲು ಬಂಡೆಯೇ ಗಡಾಯಿಕಲ್ಲು. ಇದನ್ನು ಸ್ಥಳೀಯರು ಜಮಲಾಬಾದ್ ಕೋಟೆಯೆಂದು ಕರೆಯುತ್ತಾರೆ.

1200 ಅಡಿ ಎತ್ತರದಲ್ಲಿರುವ ಈ ಗಡಾಯಿಕಲ್ಲು ಏಕಶಿಲಾ ಪರ್ವತವಾಗಿದೆ. ಸಮುದ್ರ ಮಟ್ಟದಿಂದ ಸುಮಾರು 1788 ಅಡಿ ಎತ್ತರದಲ್ಲಿರುವ ಗಡಾಯಿಕಲ್ಲಿನ ನರಸಿಂಹಗಡ ಕೋಟೆ ನೋಡಬೇಕೆಂದರೆ ಬರೋಬರಿ 2,800 ಮೆಟ್ಟಿಲುಗಳನ್ನು ಹತ್ತಬೇಕಾಗಿದೆ. ಇಲ್ಲಿಯ ಮೆಟ್ಟಿಲುಗಳನ್ನು ಹತ್ತಿ ಹೋಗುವುದೇ ಒಂದು ಸಾಹಸ.